[ابو جودة]

السلام عليكم ورحمه الله وبركاته



بدون مقدمات وكلام كتير ندخل فى الموضوع



النهارده موضوعى ينقسم الا قسمين

قسم لتصميم لموقع شركه استضافه وتصميم
و
قسم لتصميم استايل لمنتديات شباب كول على طول

والتصميمات يسيطر عليها اللون البرتقالى بشده

يارب يكون حلو ويعجب الجميع



اولا تصميم الشركه


معلومات عن التصميم

عدد 4 ساعات فى التصميم
عدد 3 فرش 2 فى الهيدر وواحده فى الفوتر
عدد 1 صوره (السيرفر)+عدد 2 ( الايقونه )


التصميم





انتظر تعليقاتكم وارائيكم وتقيمكم من 10 لكل من

الالوان
التنظيم
الترتيب
الحجم
الخطوط



------**********************************-------

ثانيا تصميم استايل المنتدى


معلومات التصميم

عدد 3 ساعات
عدد 4 فرش (كلهم غى الهيدر) بما فيهم صوره الولد الى كان نفسه يبقا طياره دا


التصميم











انتظر تعليقاتكم وارائيكم وتقيمكم من 10 لكل من

الالوان
التنظيم
الترتيب
الحجم
الخطوط




ملاحظه لو التصميمات نالت اعجابكم لا تبخلون على بالتقييم

فى انتظاركم
فى انتظاركم
فى انتظاركم

تحياتى

abo goda

[مـؤمن]

السلام عليكم ورحمة الله وبركاته

انا هقولك على تقييمى بس ياريت متزعلش

بالنسبه للتصميم الاول " الموقع "

الالوان : 8
التنظيم : 5
الترتيب : مش عارف الفرق بينها وبين التنظيم ^^
الحجم : 2
الخطوط : 1

رجعت تكتب تانى بخط كبيييييييييييييييييي يييييييييييير

وبالنسبه للتصميم التانى

الالوان : 8
التنظيم : 8
الحجم : 7 " الهيدر كبير شويه "
الخطوط : 3

طبعا ملاحظة الخطوط كالعاده

بالتوفيق

[ابو جودة]

” المشاركة الأصلية كتبت بواسطة مـؤمن

السلام عليكم ورحمة الله وبركاته

انا هقولك على تقييمى بس ياريت متزعلش

بالنسبه للتصميم الاول " الموقع "

الالوان : 8
التنظيم : 5
الترتيب : مش عارف الفرق بينها وبين التنظيم ^^
الحجم : 2
الخطوط : 1

رجعت تكتب تانى بخط كبيييييييييييييييييي يييييييييييير

وبالنسبه للتصميم التانى

الالوان : 8
التنظيم : 8
الحجم : 7 " الهيدر كبير شويه "
الخطوط : 3

طبعا ملاحظة الخطوط كالعاده

بالتوفيق

“

اولا ازيك يا مؤمن بجد بجد واحشنى بطريقه فظيعه مش بقيت بتفتح الائيميلات ليه ؟

ثانيا ناخد التصميم الاول ونتناقش فيه تاتا تاتا على مهلنا

الالوان 8 من 10 ليه ؟؟ ايه الى اضيفه او ايه الى اشيله ؟؟

التنظيم 5 من عشره يعنى زباله اووى كده ؟؟ بسي خلينا نشوف وجه نظركـ ايه الى مبوظ التنظيم ؟؟

الحجم 2 من عشره ؟ المقاس المناسب والى اخد عليه 10/10 كام فى كام تقريبا ؟؟

الخطوط 1 من عشره يعنى فاشل بعيد عنك بسي ردو عاوزك تقولى اى كلام الى حجمه كبير وعاوز تصغره ؟؟

ملاحظه يا مؤمن فى صديق ليا بيقولى انتا شاشتك كام قولتله 17 بوصه قالى وانتا كده شايف ان
كل الفونتات المجوده فى التصميم صغيره قولتله اه
قالى المشكله من هنا ان شاشتك 17 وتشتغل عليها
مش عارف اعمل ايه يا ترى فعلا الشاشه هيا المشكله ولا المشكله فيا انا ؟
ولا الواد دا بيشتغلنى ؟؟

نخلص من تصميم الشركه وبعدين ندخل على الاستايل احنا ورانا حاجه

يلا منتظرك يا باشا

[مـؤمن]

بص ياسيدى

الالوان حلوه محدش قال حاجه

و 8 من 10 مش وحشه ^^

ثانيا التنظيم مش زباله ولا حاجه

بس تحس انه ملخبط شويه او شويتين

يعنى عندك مثلا الناف بار اللى انت كاتب فيه الدومينات

مفيش ناف بار بيكون بالشكل ده

تحس انه غلط فى شكله وترتيبه

غير كده باقى البلوكات مش منظمه بشكل كويس

اما بالنسبه للحجم انا مقصدتش حجم التصميم كله

لان ده مش مهم

اللى انا قصدته حجم كل حاجه فى التصميم

حجم الايقونات وحجم البلوكات وطبعا حجم الخطوط ^^

اما بالنسبه للخطوط فـ كالعاده .........

كل الكلام اللى مكتوب الصراحه مش عاجبنى لا الفونت ولا الحجم

وبعدين مبتفرقش مقاسات الشاشه بتاعتك كام

يعنى انا الشاشه بتاعتى 17 وشايف الطوط كبيره

وفى الشغل الشاشه 21 وبرده شايف الخطوط كبيره

حاول تصغر الخطوط شويه عن كده وتختار فونتات اجمل شويه

وكمان لما تكتب حاجه بلون غامق مينفعش تحطلها Shadow غامق

وبس خلاص